受疫情影響，好多地方都唔去得旅遊，適逢老公生日，想搵下啲特別嘅地方，唯有喺香港搵吓啲異國風情啦！近近地，馬灣都算是香港一個遠離繁囂，頗有異國風情的地方。
到達馬灣，映入眼簾的就是水清沙幼的馬灣海灘，能180度遠眺青馬大橋。
午餐時間，先在馬灣沙灘呢間地中海餐廳用膳，藍白建築主題，充滿渡假氣息，唔講真係以為我去咗外國旅行。
地中海串燒係呢度嘅招牌菜，有牛肉、雞肉同羊肉扒，肉質鮮嫩，不會太老。
仲有地中海Pizza，有多款蔬菜鋪係面，蕃茄醬汁，一口拉出長長嘅芝士絲。
如果唔怕熱嘅話可以坐出餐廳門外，嘆番杯無酒精嘅Mojito，望住青馬大橋景色，真係夠哂愜意。
La Rosabelle Bar & Grill
地址：馬灣珀麗灣沙灘商場1樓6號舖
午餐後，可以行下附近的馬灣公園，有愛麗絲夢花園之稱，影吓相都幾靚。
下午時分，我們就來到了Coffee on the Sand ，參加土耳其咖啡工作坊，跟著咖啡大師 HaHa Chan 學沖土耳其咖啡。
熱沙上面沖咖啡真係好有趣，咖啡沸騰時隨即要盛起表面的泡沫，當再沸騰時才倒入杯子。
工作坊亦提供了土耳其服飾讓我們打扮影相，似模似樣的。
學沖土耳其咖啡都係一個幾有趣嘅體驗，如果想靜靜地飲杯咖啡，呢度亦有超過300種咖啡豆選擇，有咖啡師即時磨豆沖泡，飲到最原汁原味的手工咖啡，啱晒喜歡咖啡的咖啡迷。此外，咖啡店亦提供素食餐單，好似呢個素雞雜菜飯，不但賣相吸引，味道亦做得不錯啊。
臨走嘅時候，還讓我們遇見餐廳的貓店長「沙沙」，肥嘟嘟的樣子，且十分可愛乖巧，仲任影唔嬲添。
如果想報名土耳其咖啡工作坊，可以去 Coffee on the Sand 了解一下
熱沙咖啡
地址：馬灣珀林路大街村東11號地舖
到了黃昏，返回馬灣沙灘拍攝青馬大橋，景色可是一絕，建議以低角度拍攝，相片效果會是最美的。然後就搭船返回中環碼頭，結束呢日的馬灣遊啦！想感受一下異國風情，30分鐘時間到馬灣遊一遊吧。
馬灣交通
可選擇荃灣或中環搭船往返馬灣；或
葵芳、青衣、荃灣、中環、機場搭直通巴士往返馬灣
♡ඩ⌔ඩ♡ ♡ඩ⌔ඩ♡ ♡ඩ⌔ඩ♡ ♡ඩ⌔ඩ♡
//YouTube
//Blog
She Blog / BeautyExchange/ U Blog / GOtrip / Blogspot
theZtyle.com / Qooza Beauty / Girlab / WeShare
Style-Tips.com / Fashion Guide / Pixnet / Open rice
//Blog
She Blog / BeautyExchange/ U Blog / GOtrip / Blogspot
theZtyle.com / Qooza Beauty / Girlab / WeShare
Style-Tips.com / Fashion Guide / Pixnet / Open rice
沒有留言:
發佈留言
歡迎分享你的所想所問...